_DSC7765 e klein.jpg

kafi

Mir heissed Dich herzlich willkomme im kafi takt!

 

Euses Kafi isch en schöne Ort zum Verwiile, Gnüsse, um sich uf Begägnige iizlah und mit anderne usztuusche und z‘teile. Es isch en Ort zum Ii- und Abtauche und wo jede und jedi eifach sii chan. Bi eus häds für alli es Plätzli.

 

Euse Kafi isch öpis Bsundrigs. D’Kafibohne Camocim werded i Demeter Bio-Qualität im brasilianische Hochland biodynamisch und ökosozial abaut und chömed direkt vode Plantage (Fazenda Camocim) id Röschterei Henauer. Das Familieunternähme ide 4. Generation us em Kanton Züri beherrscht s’Röschthandwerk sit XXX und pflägt ihri langjährige Beziehige mit de Kafi-Buure. Mit jedere Tasse feinem Cappuccino, Café Latte, Espresso Latte, fruchtigem Espresso oder Americano chasch Du somit als euse Gascht d’Plantage-Mitarbeiter unterstütze, sowie de Erhalt und d’Kultivierig vode Natur fördere.

Unbedingt erwähne möchted mir au s’Herzstuck vom Kafi: eusi x-Kafi-Maschine, wo d’Janine inebracht häd als liideschaftlichi Gwünner-Barista und Latte-Art-Spezialischtin. Sie zaubered Dir und eus de bsundrigi Kafi is schöne XXX Tasseli.

 

Dim ultimative Kafi-Erläbnis, Kafi-Plausch und Kafi-Gnuss staht somit nüt meh im Wäg!

 

Bi eus schmöckts meischtens nach öpis Frisch-Bachenem. Es häd für jede und jedi öpis. Verwöhn Dich mit eme feine Stuck Schoggichueche, gnüss die vegani Öpfel-Zimt-Wähe oder lah Dich überrasche vom Rüebli-Ingwer-Cake. Mir mached alles selber und Du chasch eus sogar debii zueluege ide Chuchi.

 

Jetzt laded mir Dich ii, ame Tischli Platz z’neh mit ere heisse Tasse Cappuccino und eme huusgmachte Stückli Orange-Bläch-Chueche. Lahn de takt mit siinere einzigartige Atmosphäre uf Dich würke und chum aa.

 

Mir freued eus uf Dich

86840878_1433478056832233_69862064308774

öffnigsziite: mo - fr 9.00 - 18.30, sa 9.00 - 16.30, sonntag geschlossen

takt kafi & bioladä, schützengass 11, 8805 richterswil, im@takt8805.ch

IBAN CH